1Ch 4 | NdeIBE | STEP | Abosendo lukaJuda kuyilaba: Ngu-Pherezi, loHezironi, loKhami, loHuri loShobhali.

1 Chronicles 4

Abanye Abosendo LukaJuda

1 Abosendo lukaJuda kuyilaba: Ngu-Pherezi, loHezironi, loKhami, loHuri loShobhali.

2 UReyaya indodana kaShobhali wayenguyise kaJahathi, uJahathi onguyise ka-Ahumayi kanye loLahadi. Laba babengabosendo lwamaZorathi.

3 La ayengamadodana ka-Ethami: uJezereli, lo-Ishima kanye lo-Idibhashi. Udadewabo kwakuthiwa nguHazeleliphoni.

4 UPhenuweli wayenguyise kaGedori, lo-Ezeri uyise kaHusha. Laba kungabosendo lukaHuri, izibulo lika-Efuratha uyise kaBhethilehema.

5 U-Ashuri uyise kaThekhowa wayelabafazi ababili, uHela loNahara.

6 UNahara wamzalela u-Ahuzami, loHeferi, loThemeni kanye loHahashithari. Laba kwakungabosendo lukaNahara.

7 Amadodana kaHela yila: nguZerethi, loZohari, lo-Ethinani, 8 loKhozi owayenguyise ka-Anubi loHazobhebha kanye labosendo luka-Ahareheli indodana kaHarumi.

9 UJabhezi wayelodumo kulabafowabo. Unina wayemuthe lelibizo lokuthi Jabhezi, ngoba esithi “Ngamzala kabuhlungu.”

10 UJabhezi wakhuleka kuNkulunkulu ka-Israyeli wathi: “Sengathi ungangibusisa uqhelise ilizwe lami! Isandla sakho kasibe lami, ungivikele ebubini, ngingehlelwa yibuhlungu.” UNkulunkulu wamnika lokho ayekucela.

11 UKhelubi, umfowabo kaShuha, wayenguyise kaMehiri, owayenguyise ka-Eshithoni. 12 UEshithoni wayenguyise kaBhethi Rafa, loPhaseya kanye loThehina uyise ka-Iri Nahashi. Laba babengabantu bakaRekha.

13 Amadodana kaKhenazi yila: ngu-Othiniyeli loSeraya. Amadodana ka-Othiniyeli yila: nguHathathi loMeyonothayi. 14 UMeyonathayi wayenguyise ka-Ofira. USeraya wayenguyise kaJowabi owayengukhokho wesizwe samaGe Harashimi. Babizwa ngalelibizo ngoba babeyizingcitshi.

15 Amadodana kaKhalebi indodana kaJefune yila: ngu-Iru, lo-Ela kanye loNahamu. Indodana ka-Ela yile: nguKhenazi.

16 Amadodana kaJehaleleli yila: nguZifi, loZifa, loThiriya kanye lo-Asareli.

17 Amadodana ka-Ezira yila: nguJetheri, loMeredi, lo-Eferi kanye loJaloni. Omunye wabafazi bakaMeredi wazala uMiriyamu, loShamayi kanye lo-Ishibha uyise ka-Eshithemowa.

18 (Umkakhe ongumJudakazi wamzalela uJeredi uyise kaGedori, uHebheri uyise kaSokho, loJekuthiweli uyise kaZanowa.) Laba kwakungabantwana bakaBhithiya indodakazi kaFaro, eyayendele kuMeredi.

19 Amadodana omkaHodiya, udadewabo kaNahama, uyise kaKheyila owaseGami, lo-Eshithemowa waseMahakhathi.

20 Amadodana kaShimoni yila: ngu-Amnoni, loRina, loBheni-Hanani kanye loThiloni. Abosendo luka-Ishi yilaba: nguZohethi loBheni-Zohethi.

21 Amadodana kaShela indodana kaJuda yila: ngu-Eri uyise kaLekha, loLahada uyise kaMaresha labantwana babeluki bamalembu amahle eBhethi Ashibheya.

22 UJokhimu, lamadoda aseKhozeba, uJowashi loSarafi, owabusa amaMowabi loJashubi Lehemu. (Lokhu kutholakala emibhalweni yasendulo). 23 Laba kwakungababumbi ababehlala eNethayimi leGedera; behlala khona besebenzela inkosi.

USimeyoni

24 Abosendo lukaSimeyoni yilaba: nguNemuweli, loJamini, loJaribi, loZera kanye loShawuli;

25 uShalumi wayeyindodana kaShawuli, uMibhisamu indodana yakhe loMishima indodana yakhe.

26 Abosendo lukaMishima yilaba: nguHamuweli indodana yakhe, loZakhuri indodana yakhe loShimeyi indodana yakhe.

27 UShimeyi wayelamadodana alitshumi lesithupha lamadodakazi ayisithupha, kodwa abafowabo babengelabantwana abanengi, ngakho usendo lwabo lonke aluzanga lwande njengabantu bakaJuda. 28 Babehlala eBherisheba, eMolada, eHazari Shuwali,

29 eBhiliha, e-Ezema, eTholadi, 30 eBhethuweli, eHoma, eZikhilagi, 31 eBhethi Makhabothi, eHazari Susimi, eBhethi Bhiri laseShaharayimi. Yiyo eyayiyimizi yabo kwaze kwabusa uDavida.

32 Imizana eyayikhonapho kwakuyi-Ethamu, i-Ayini, iRimoni, iThokheni le-Ashani – imizi emihlanu, 33 layo yonke imizana eyayiseduzane kwale imizi kuze kuyefika eBhahalathi. Lezi yizo izindawo abahlaliswa khona. Bagcina imibhalo yosendo lwabo.

34 UMeShobabi loJamuleki, loJosha indodana ka-Amaziya 35 loJoweli, loJehu indodana kaJoshibhiya, indodana kaSeraya, indodana ka-Asiyeli 36 kanye lo-Eliyohenayi, loJahakhobha, loJeshohaya, lo-Asaya, lo-Adiyeli, loJesimiyeli, loBhenayiya, 37 kanye loZiza indodana kaShifi, indodana ka-Aloni, indodana kaJedayiya, indodana kaShimiri, indodana kaShemayiya.

38 Amadoda aqanjiweyo ngamabizo ngaphezulu ayengabakhokheli bosendo lwakwabo. Izimuli zabo zanda kakhulu,

39 zaqhela zayakwakha langaphandle kweGedori okuya ngempumalanga yesihotsha bedinga amadlelo emihlambi yabo. 40 Bafumana umhlaba ovundileyo olamadlelo amahle, obanzi ophilileyo njalo uthule. Kwakuke kwahlala amanye amaHamu khonapho.

41 Amadoda alamabizo abhaliweyo afika ngezinsuku zikaHezekhiya inkosi yakoJuda. Bahlasela amaHamu emizini yawo kanye lamaMewani ayelapho bawabhuqa du, njengoba kubonakala lalamuhla. Basebezihlalela besakha khonapho, ngoba kwakulamadlelo emihlambi yabo. 42 Abangamakhulu amahlanu alaba abakaSimeyoni, bekhokhelwa nguPhelathiya, uNeyariya loRefaya lo-Uziyeli amadodana ka-Ishi, bahlasela ilizwe lamaqaqa laseSeyiri.

43 Babulala ama-Amaleki ayephunyukile asala, njalo sebehlale kulindawo kuze kube lamuhla.